Recientemente, CBS (Centraal Bureau Statistiek) a publica su Indice di Prijs di Consumo pa luna di april 2021. Den esaki, a destaca cu prijs di petroleo na april a conoce caida compara cu maart 2021.
Prijs di utilidad (electricidad y awa), gasolin y diesel ta wordo determina primordialmente door di e prijs internacional di petroleo.
Na april 2021 e prijs promedio pa bari di petroleo (US$ 61.52) a conoce un caida di US$ 1.10 (-1.8%) compara cu maart 2021 (US$ 62.62).
Prijs di electricidad y di awa no a cambia compara cu maart 2021. Consecuentemente, e prijs promedio di electricidad pa vivienda a keda Afl. 240.09, mientras cu e prijs promedio di awa pa vivienda a keda Afl. 137.05.
Prijs di gasolin a registra un subida di Afl. 12.82 cent (6.1%) na april 2021 y a causa un efecto di 0.27 ppt riba e CPI. Prijs di diesel a registra un subida di afl. 4.90 cent (2.9%) na april 2021 y a causa un efecto di 0.01 ppt riba e CPI.
April 2021, utilidad, gasolin y diesel como grupo, tawata tin un subida di prijs di 1.7% compara cu maart 2021 y hunto tawata tin un influencia di 0.28 ppt riba e CPI, mientras cu e restante 404 bienes y servicio hunto, a conoce un caida di prijs di 0.4% tabatin efecto un efecto di 0.30 ppt riba e CPI.
