(LaPatilla) – Un grupo empresarial organisa mundialmente ta saliendo di Venezuela, cerando tur nan tiendanan, entre nan e cadena di tienda di moda Spaño Zara, e marca iconico di e grupo textil Inditex. Tambe ta cera e tiendanan Bershka y Pull&Bear, perteneciente tambe na e grupo aki, funda pa Amancio Ortega.
Inditex a ordena varios luna atras pa no comercialisa su marcanan mas na Venezuela y cu e localnan di Zara mester remata den tempo record e articulonan cu a keda den nan tiendanan, ademas di e mobiliario, escaparate y hasta e mannequinnan, segun revelacion di e medio Producto. E grupo textil a yega na 22 establecimento na Caracas, Valencia y Margarita: 8 di Zara, 5 di Pull&Bear y 9 di Bershka. Te na e momento aki ta desconoce e motibonan di e empresa pa tuma e decision ey. Sin embargo, Vox Populi a relata cu ta trata di un decision di tipo politico.
Na 2004 e problemanan cu gobierno Venezolano a cuminza despues cu e anterior presidente Hugo Chavez a acusa e tiendanan di fraude fiscal. Tres aña despues, e compania Phoenix World Trade, cu un socio local, e empresario Venezolano-Libanes Camilo Ibrahim, a negocia cu e grupo Inditex y a converti Zara, Pull&Bear y Bershka den franquicia corporativo.
Pero, e relacionnan cu e regimen no a mehora. Na 2013 Servicio Nacional Integra di Administracion Aduanero y Tributario (Seniat) a obliga Zara paga un multa di 85.000 dollar pa a aumenta su prijsnan despues di e devaluacion di e bolivar. Ademas e regimen a prohibi e cadena di tienda pa aumenta su prijsnan di manera general durante e ultimo siete aña.
Producto a revela cu e trahadornan di Zara, Bershka y Pull&Bear no a keda despedi y cu e establecimentonan ta sigui den man di Phoenix World Trade, cu tin planea pa habri tienda nobo den e proximo dianan y cu nombernan similar.
