(DutchNews.nl) – Alrededor di 20 proveedornan di servicio di criptomoneda ta registra cu banco central Hulandes, DNB, pero no ta cla cuando persona realmente ta invertiendo den e monedanan volatil, segun website noticiero NU.nl a reporta ayera.
Registracion riba su mes no ta nifica un seyo di aprobacion, un vocero di e banco a bisa NU.nl. “E ta nifica solamente cu e proveedornan no ta involucra den actividadnan criminal, pero ta asina leu monitoreo ta bay.”
Autoridad di servicio financiero AFM y asociacion di inversionista VEB ambos a bisa cu inverti den servicionan cripto, na Hulanda of den exterior, ta ‘un hype’, pero cu nan no tin idea realmente cuanto persona ta doño di criptomoneda.
“E volumen di intercambio ta varia enormemente entre plataformanan cripto”, Christiaan Jimmink, marketing manager na Bitcoin Meesters, e plataforma cripto di mas grandi na Hulanda, a bisa e noticiero. “Nos a haci nos propio investigacion y ta calcula cu alrededor di 700mil persona Hulandes ta inverti den bitcoin. Nos tin alrededor di 200mil cliente Hulandes. Algun ta gasta dies euro, otro centenares di miles di euro. Nos volumen diario di intercambio ta cay den decenas di miyones”, Jimmink a bisa.
Tanto DNB como VEB ta considera inversion den bitcoin como ‘un pool scur’, of sistemanan di intercambio cu no ta completamente transparente. “Nos no ta consehando na fabor of contra inversion, pero nos tin un opinion”, e vocero di DNB a bisa. “Un cripto no ta representa nada, e no ta un accion den nada. E no ta un prestamo cu ta debolbe cu interes.”
AFM a bisa cu ta mantene un bista riba e desaroyonan, incluyendo advertiendo consumidornan riba e riesgonan di inverti den cripto pa motibo di e balor variando enormemente di monedanan digital. Servicionan di bitcoin tambe ta controversial pasobra mina bitcoin ta consumi demasiado energia. Recientemente, ex-sostenedor di Bitcoin, Elon Musk a bisa cu su complania Tesla no lo usa bitcoin mas pa transaccionnan, pa motibo di e emision enorme di dioxido di carbon cu ta resulta di esaki.
