(EFE) – “Resistencia, resistencia!”, tabata e cantica cu miles di Colombiano a canta na Plasa Bolivar di Bogota mientras cu Congreso tabata haci oficial cu e reforma di salud pa e cual un multitud di personanan a sali pa protesta diaranson ultimo a zink.

E cayanan di e principal ciudadnan di Colombia un biaha mas a yena despues di 22 dia di mobilisacion y den cual e presion social a tumba e reforma tributario di Gobierno di presidente Ivan Duque cu a explota for di 28 di april cu e marchanan multitudinario y di salud, cu a haya impulso di e partido di derecha Cambio Radical.

Na e manifestacion pa prome biaha a uni e senador Gustavo Petro, lider di oposicion pa movemento di iskierda Colombia Humana, ken a acompaña e protestantenan pa manifesta pacificamente na Bogota pa pidi consenso di e negociacion entre Gobierno y Comite Nacional di Welga cu ta avansa sin resultado.

E prome concentracion a cuminsa for di trempan na varios luga di encuentro di e capital di e pais, specialmente na Parke Nacional, na unda nan a sali cu musica y bailenan, miles di ciudadano a yega na Plasa Bolivar, centro di e poder politico di Colombia.

Desde e plasa central aki nan a celebra cu Congreso a warda den lachi, cu 27 voto na fabor y cinco den contra e comision di Camara di Representante y Senado, e reforma di salud, proyecto cu, un bes a wordo retira e reforma tributario, a bira un di e combustibel principal di e manifestacionnan, hunto cu e fin di e brutalidad policial.

E malcontento social ta continua riba cayanan desde haci tres siman, cu un extenso number di peticionnan cu tin di haber cu stop di violencia policial, cu segun ONG Temblores, ta e responsabel di 43 homicidio cu a tuma luga den e protestanan, y tambe un mayor oportunidad pa hobennan.

Sinembargo, e reunionnan cu representantenan di Comite Nacional di Welga ta sigui sin resultado pa motibo cu Gobierno a condiciona e negociacionnan pa elimina e blokeo na e camindanan cu a causa desabastecimento di alimento y medicina na algun region, mientras cu e vocenonan di e manifestacionnan ta exigi medidanan contra e brutalidad policial.