(NLTimes) – E 3.4 biyon euro di ayudo estatal cu Hulanda a otorga na e aerolinea den problema, KLM, no mester a wordo aproba pa Comision Europeo, segun Corte General di Union Europeo a bisa den un veredicto ayera. E aerolinea di bandera Hulandes no lo mester paga e ayudo back inmediatamente, pendiente un evaluacion nobo di e Comision.
Comsion Europeo lo mester a tene mas consideracion den e structura di compania mama, Air France-KLM na e momento. Den su evaluacion di plannan Hulandes pa duna un prestamo estatal y garantianan di prestamo na KLM na juni 2020, e Comision mester a examina e pakete di ayudo di 7 biyon euro otorga pa estado Frances na Air France, y con esey por a ser usa pa beneficia aerolinea ruman KLM.
Pues, e corte a rechasa argumento di e Comision, y a anula e decision pa aproba e pakete di ayudo financiero Hulandes.
“Sinembargo, mirando e impacto particularmente dañino di e pandemia riba economia Hulandes, e Corte General a suspende e efectonan di e anulacion pendiente e adopcion di un decision nobo di e Comision”, e corte a skirbi.
Similarmente, e corte tambe a dicidi contra e Comision den aprobacion di ayudo estatal di Portugal na e aerolinea mayor di e pais, TAP.
Por entrega un apelacion contra cualkier veredicto di e corte prome cu dia 29 di juli proximo.
