(AP) — Ariana Grande ta recien casa. Un representante di e cantante a confirma cu recientemente el a casa cu agente di real estate, Dalton Gomez.
Representante di Grande a bisa People cu nan a casa den un boda chikito y intimo, cu menos di 20 persona presente. No tabata cla ki tempo e boda a tuma luga. “E sala tabata asina contento y yen di amor. E pareha y ambos famia no por ta mas feliz”, e representante a bisa People.
Grande, di 27 aña y Gomez di 25, a anuncia nan compromiso na december. Nan a cuminsa un relacion na januari 2020, y a pasa cuarentena hunto durante e pandemia.
Actualmente, Grande ta den top di clasificacionnan top cu e hitnan ‘34+35’, ‘Positions’, ‘pov’ y ‘Save Your Tears’, un remix cu The Weeknd. E lo traha como coach na The Voice den herfst.
