(NLTimes) – Informateur Mariette Hamer a cuminsa reuni e lidernan di e nuebe partido mas chikito den Tweede Kamer ayera pa continua discusion riba formacion di gabinete. Mientras e informateur nobo Hamer ta spera di reuni cu e lidernan di e nuebe partido mas grandi awe pa continua cu e siguiente ronda di negociacion di formacion, ANP a reporta.
Na e etapa aki, Hamer, den nomber di Tweede Kamer lo enfoca riba propuestanan inicial pa un plan di recuperacion nacional pa yuda Hulanda sali di e crisis di coronavirus. Den e ronda aki di discusion di formacion di gabinete, Hamer ta spera di logra haya informacion riba e posicion cu diesocho lider tin riba e recuperacion y plan di transicion cu lo kier usa despues di e crisis.
El a bisa diabierna cu e ta sinti optimista di yega na un acuerdo cu e lidernan politico riba e asunto aki pronto. Segun Hamer, mester set up esaki rapidamente. Ademas el a revela cu e tin plan pa reuni cu hobennan y representantenan di sectornan mas afecta pa pandemia di coronavirus pa sigura cu nan voz tambe ta ser scucha mientras e pais ta sali di un di e crisisnan mas grandi den historia recien.
Lider di Bij1, Sylvana Simmons, tabata programa pa ta e prome presidente di partido pa reuni cu Mariette Hamer ayera. Prome cu su reunion cu e informateur nobo, Simmons a bisa cu particularmente e tabata kier enfoca riba e problemanan di confiansa den gobierno, aumento di divisionnan den sociedad, y desigualdad di rikesa.
E ultimo reporte di Hamer riba e ronda aki di discusion ta spera pa wordo lesa dia 6 di juni, pero el a laga cla caba diabierna cu e deadline aki no ta definitivo p’e. Mientras el a reconoce e urgencia di e plan di recuperacion, ta bay mas pa e ‘calidad di e trabao’ el a bisa e tempo ey.
