(LaPatilla) – Industria di pesca nacional no a scapa di e crisis economico y e caida di produccion cu ta afecta e sector primario en general, y a cay cu 70% den ultimo 12 aña.
Di acuerdo cu e cifranan presenta pa Fernando Camino Peñalver, coordinador nacional di Productor y Emprendedor di partido Un Nuevo Tiempo, e causanan cu a ocasiona e caida a keda bira cada vez mas grave y el a agrega cu e deficit di produccion ta na alrededor di 200.000 tonelada pa aña.
Camino a opina cu un di e casanan cu a motiva e reduccion tabata e deficit di material, y cu esaki a bira mas serio ainda recientemente a traves di e escasez di combustible, cu ta afecta e sector aki tambe. E crisis di combustible como tambe esun di material necesario pa pesca ta situacion cu ta causando distorsion serio den e structura di costo di produccion, Camino a trece dilanti.
Tambe e dirigente a señala cu na e pais ta persisti inseguridad huridico, ya cu pirateria a aumenta den ultimo añanan, cu a resulta den asesinato di piscador y robo di nan pertenencianan.
Fernando Camino a denuncia tambe e mal maneho y falta di mantenimento di e instalacionnan di Pdvsa loke a conduci na derame di crudo y filtracion di gas, cu tambe a contribui na reduccion di produccion di pesca. E mal maneho di industria petrolero segun Camino a causa daño na fauna marino y ta causando daño grandi tambe na e poblacion na costa cu ta depende di pesca como nan unico actividad economico.
