Den fin di siman e team partido POR a subi cayanan di Savaneta y San Nicolas. Mester bias si cu e entusiasmo tabata grandi.
Lider di POR, Alan Howell a tuma e partido POR y a hiba e partido dilanti y rehubenece e partido completamente cu hobenan cu amor pa su pais. Ciudadanonan di paribe di brug a ricibi e famia di POR cu brasa habri. Mustrando cu finalmente por mira un partido cu ta dunando atencion real na e parti aki di nos isla.
Por a sinti e entusiasmo y deseo di traha entre e miembronan di e team di POR y esaki a wordo traspasa tambe pa e ciudadanonan cu nan a topa. Nan tambe a mira cu e posibilidad di un miho futuro por wordo logra, cu un team manera esun di POR.
Den e siguiente dianan e team lo sigui mobilisa tur rond Aruba pa hiba nan mensahe den tur bario di nos isla cu POR tey pa keda, creando e positivismo y entusiasmo necesario pa logra un miho porvenir pa nos pida baranca.
