Den e miho di tur mundo, preparacion pa e nacemento di un yiu ta cuminsa hopi aña prome cu desentoxicamento di metalnan toxico den bo curpa, soluble di vet toxico di insecticida, pesticida y productonan kimico a base di petroleum. Den nos clinica nos tin mas di tres mil test di cabey pa mustra e carga corporal di metalnan toxico cu a pasa den e placenta pa e baby cu ta creciendo.
Si bo tin plan di haya yiu un dia, esaki ta informacion importante pa un baby saludabel. Evita alcohol y otro droganan, incluyendo productonan farmaceuticonan cu excepcion di cuido medico.
Humamento di sigaria y humamento di segunda mano durante embaraso por causa un riesgo halto di haya yiu cu menos peso corporal ora e nace. Esaki por causa un serie di problemanan di salud manera paralisis cerebral y desabilidadnan pa siña. Hende muhe cu ta huma durante embaraso ta expone nan baby cu ta desaroyando pa huma den un manera pasivo; e kimico ta pasa door di e placenta y pone e baby den riesgo pa nace cu un peso abou.
Un mucha cu wordo expone na humamento di segunda mano como un baby desaroyando por aumenta e riesgo di syndroom di morto repentino. Despues di nacemento si e baby wordo exponi na humamento di segunda mano di un persona na cas, tambe e por aumenta e riesgo di haya e syndroom. Humamento di segunda mano por causa cu mucha ta haya asma. Mucha cu tin asma humamento di segunda mano por laga nan haya episodio mas frecuente y mas severo. Humamento di segunda mano ta relaciona cu infeccion di e via respiratorio inferior, manera bronkitis y pneumonia, specialmente si tin menos cu 6 aña. E ta asocia cu iritacion di e via respiratorio mas ariba y e reduccion chikito den e funcionamento di e pulmon. Muchanan cu ta biba cu hende cu ta huma tin un chens mas grandi pa haya infeccion di horea.
Nutricion ta un parti importante pa un embaraso saludabel y pa e baby. E miho manera pa sigura cu e mama y e baby ta hayando e miho, ta door di tuma suplementonan di calidad halto y natural. Suplementonan a base di alimento. Mi ta recomenda e pakete di embaraso cu ta inclui multi nutrientenan, Lecithin y acido di vet esencial cu ta sigur. Cada suplemento ta contene beneficionan distinto.
Number un den mi pakete prenatal ta un multinutriente natural cu ta formula specificamente pa mama na estado y mama cu ta duna pecho. Como cu nos sa cu e cuminda cu nos tin awo no ta contene e nutrientenan necesario pa un soporte vital, uzo di suplemento ta recomenda. Un bon pakete prenatal mester contene Acido Folico pa preveni defecto na e baby su columna vertebral. Acido Folico ta un vitamina soluble den awa cu ta pertenece na e grupo di vitamina B-complex. Tumando e hunto cu otro vitamina B e ta yuda e curpa descompone carbohidratonan compleho den sucu simpel cu ta wordo uza pa energia. Si bo tabata uzando pildo anticonceptivo nan por causa perdida di vitamina B. E curpa ta saca exceso di vitamina B, en bes di ward’e pa despues. Pa e motibo aki ta importante pa tuma B compleho di bon calidad of un multi nutriente cu tur vitamina B diariamente. Semper ta sigur di check cu un nutricionista clinico pa e uzo adecua di cualkier suplemento si bo ta na estado of ta duna pecho.
Hopi hende muhe na estado ta haya anemia durante nan embaraso y nan doctor ta receta suplemento di hero. Hopi suplemento maternal ta contene 30 mg of mas di hero pa cada dosis, den combinacion cu vitaminanan of otro mineralnan. Hero ta un rekisito basico pa biba y pa e crecemento di tur tipo di celulanan, incluyendo bacteria, parasito y cancer. Como un nutricionista clinico suplementacion di hero sintetico ta preocupa mi. Un fuente di hero a base di cuminda ta absorbe mas, no lo duna mamanan nobo molester estomacal y no lo causa constipacion. Cuminda cu ta contene hero natural ta spinashi y otro berduranan cu blachi berde scur.
Lecithin ta beneficia e mama y e baby, cual ta un gran adicion pa e pakete di embaraso. Lecithin ta yuda e baby cu ta creciendo su celebro haya tur e nutrientenan y soporte cu e mester. Nos a verifica cu babynan cu e mama a suplementa cu lecithin tin celebro mas grandi y ta miho na scol. Mientrastanto, lecithin tuma door di un mama cu ta duna pecho ta yud’e converti e peso cu e la subi durante embaraso den lechi saludabel pa e baby.
E di tres suplemento cu mester wordo inclui den e pakete di embaraso ta vet acido esencial. Azeta di Omega ta esencial pa tur hende su salud. Nan ta inclui vet Omega 9, Omega 6 y Omega 3. E vetnan aki ta necesario pa tin curpa saludabel y provee energia. E secreto ta pa tuma tres den relacion cu otro. Pa un parti di carni of manteca bo kier come dos parti di azeta di berdura y nueces y inclui tres parti di pisca den bo dieet. Si bo tin alergia di azeta di pisca, azeta di linasa ta un opcion vegetariano. Un Omega 6 por converti pa un Omega 3 si mester. Azeta di pisca di mal calidad no ta recomenda, como cu nan por contene metalnan toxico. Ta sigur di uza azeta di bon calidad y laga nan keda leu di luz y cayente. Un suplemento dietetico cu ta provee tur tres porcion specifico lo ta ideal.
No ta consehabel pa haci trabounan dental durante embaraso. Hasta un procedura simpel manera un limpiesa anual ta mustra cu e ta libera mercurio di amalgam yena (silver). Si bo tin problema cu un djente ta sigur di consulta un dentista Biocompatibel (natural) pa evita materialnan toxico ora ta posibel.
Tin algun puntonan di acupunctura cu ta contraindica cu yama “puntonan prohibi” durante embaraso cu tur acupuncturista conoce bon. Pero toch hopi problema ta bin durante embaraso cu ta inclui nausea mainta, specialmente ora e ta dura henter dia, babynan hopi activo, dolor di lomba y presion di sanger ta subi durante embaraso cual ta mustra tur e efecto positivo cu tratamento di acupunctura tin si wordo haci door di un persona cualifica, experencia y profesional. Otro solucion natural ta disponible pa un griep inespera, griep, stress of atake di alergia.
Tuma e punto! Un embaraso saludabel tin un chens mas miho pa produci un yiu saludabel. Si nos inverti nos tempo den prepara y mantene nos salud mesun hopi cu nos ta uza pa prepara e cas pa e yiu, nos lo tin yiunan mas saludabel. Cu un poco di guia bo embaraso por ta un evento cu goso natural.
CARLOS VIANA ta un dokter (Ph D) den Antropologia Medico, e ta un Doctor den Medicina Tradicional Oriental studia na Shanghai, China; nutricionista clinico certifica. Tambe miembro di directiva di e Asociacion di Profesionalnan den tratamento di adiccion y toxicologia, Presidente di e comite pa America Latino di e Academia Internacional di Medicina Oral y Toxicologia. Dr. Viana tin un programa di radio tur siman , ta skirbi y duna lecturanan extensamente . Pa mas informacion di e servicionan na VIANA NATURAL HEALING CENTER NV, Kibaima 7, Tel 585 1270 Web sight: www.vianaheal.com GIFT CERTIFICATES & HEALTH PRODUCT AVAILABLE
“Prescriptions from Paradise” – International Book Award Winner – ta obtenibel na Aruba na Viana Healing Center, Tur libreria, Gift shops y centro nan di salud di calidad. tambe ta disponibel den forma do print y pa Kindle download pa nos amigonan pafo di Aruba na www.amazon.com Pa anuncio nan acerca di mas evento nan y firmamento di buki check , check corant nan local, radio y television tambe como riba www.vianaheal.com y join e discusion riba nos Facebook pagina: www.facebook.com/prescriptionsformparadise
