(LaPatilla/TalCual) – Presidente di Union Agricola y Ganadero di los Andes (Unagandes), Antonio Escalona Araujo, a alerta cu e escasez di diesel na e pais ta haci cu ta anticipa un “desabastecimento di alimento sin precedente na Venezuela,” segun reporte di e medio Tal Cual.
E dirigente agropecuario a describi cu den campo Venezolano tin consternacion entre productornan, cu e silencio di e tractornan pa falta di diesel. “Cu yegada di e promer yobidanan, e agricultornan ta cuminza prepara y ta ara nan tera, pero e falta di combustible ta impedi mas di 90% di e productornan di inicia siembra,” Escalona a bisa.
“E ciclo di invierno, esun mas importante y productivo di aña na Venezuela, ta na punto di bay perdi pasobra nos no ta dispone di diesel pa mobilisa maquinaria den labornan di preparacion, siembra, fumigacion, cosecha y transporte,” el a agrega. El a alerta cu ademas den sector pecuario, ta anticipa perdida grandi den produccion di lechi, debi cu ta imposible pa conserva lechi y pa transporta esaki pa e empresanan cu ta procesa lechi.
Riba e tema aki presidente di Camara Venezolano di Industria Lacteo (Cavilac), Roger Figueroa, ta calcula cu e produccion di e sector ta entre 15 pa 18 % di su capacidad instala. Cavilca ta mustra preocupacion pa e ciere di e plantanan y otro problema cu a presenta pa falta di diesel. Segun Figueroa, actualmente menos di 10% di e poblacion Venezolano ta goza di seguridad alimentario mientras cu mayoria di persona ta mustra indice halto di desnutricion. El a comenta cu “Venezuela ta rico na energia, cu recurso natural y extension grandi di tera fertil, pero e sector agricola y pecuario ta paraliza pa falta di combustible y insumo”.
