(StabroekNews) – Exxon Mobil Corp. recientemente a bolbe reporta otro hallazgo di petroleo den awanan teritorial di Guyana, den e bloque Stabroek dilanti costa di e pais.
Situa na 11 km sur di e pos Uaru-1, na e pos mas reciente, Uaru-2, a haya na aproximadamente 120 pia (36.7 meter) un reserva di petroleo di calidad halto, segun un declaracion di e compania. Ta bisa cu e ultimo descubrimento ta aumenta e calculacion di e reserva di e bloque Stabroek na aproximadamente 9 biyon bari di equivalente di petroleo (petroleo y gas).
“E descubrimento den Uaru-2 ta mehora nos trabao pa sigui desaroya oportunidad den e Bloque Stabroek,” Mike Cousins, ExxonMobil su senior vice president di exploracion y sitio nobo, a declara. “Progresando nos inversionnan lider den e industria y plan di exploracion bon ehecuta ta vital pa continua desaroyando Guyana su recusronan offshore cu ta contribui valor adicional pa pueblo di Guyana y tur stakeholder.”
Afiliado di ExxonMobil, Esso Exploration and Production Guyana Limited, ta opera e proyectonan den Stabroek y tin un interes di 45% den e bloque. Otro interesado ta Hess Guyana Exploration Ltd, cu tin 30% y CNOOC Petroleum Guyana Limited, cu 25%.
Di e posnan cu ya ta den fase di produccion, e facilidad Liza Destiny FPSO (instalacion flotante pa almacena y despacha crudo riba lama) a yega na 120.000 bari pa dia na december 2020. Start up di Liza Fase 2 cu e Liza Unity FPSO ta keda riba schedule pa inicio di otro aña, cu un capacidad di paroximadamente 220.000 bari pa dia.
Tin otro desaroyo planea, e asina yama Payara field, pa 2024, cu lo tin un capacidad tambe di 220.000 bari di crudo pa dia.
