IMF no ta comparti crecemento grandi na 2022; Remarcable diferencia den cifranan di IMF y gobierno di Aruba

Entre e datonan presenta den presupuesto 2021 di gobierno di Aruba, y e datonan presenta den informe final 2021 di Fondo Monetario Internacional, ta aparece algun diferencia remarcable, cu ta relaciona cu e tema crecemento economico den e proximo añanan.

Den e Memoria Explicativo (Memorie van Toelichting) di e proyecto di ley Presupuesto 2021 ta aparece un tabel cu ta representa e crecemento di varios factor den e proximo añanan , te na 2025. Esaki ta un resumen importante cu ta base di e ‘Meerjarenbegroting’ (Presupuesto Multi-anual) cu ta algo cu ta necesario riba su mes, pero tambe ta un requisito pa e supervision di Reino riba situacion financiero di Pais Aruba.

Den e siguiente tabel por observa e diferencianan referi.

Crecemento di GDP nominal 2019-2025 (den Afl. Miyon)

Fuente: Memorie van Toelichting Begroting Aruba 2021

IMF: Executive Board Concludes 2021 Article IV Discussions with Kingdom of the Netherlands – Aruba

Manera por observa den e tabel aki, e cifranan di gobierno ta mustra un crecemento mas modera pa 2020 cu loke IMF ta duna. Despues gobierno ta anticipa cu e crecemento na 2021 lo ta bastante modera, mientras cu IMF ta duna un crecemento di 4,8% loke ta coreponde cu e cifranan di IMF presenta aki.Despues IMF ta premira un aumento di 14,2% na 2022, mientras cu den e cifranan di gobierno crecemento economico ta haci un paso gigante na 2022: di Afl. 1.198 miyon, cu ta bon pa 21,8% di aumento di GDP.

IMF no ta duna un proyeccion mas leu cu 2022. Nos no ta mira un splicacion di IMF pa e crecemento di aña pa aña. Esaki si ta e caso den presupuesto 2021, unda Grafiek 3: Economische Vooruitzichten 2021- 2023 riba pagina 5 di e documento (fuente Ministerio di Finanzas, Asunto Economico, y Cultura. Finalmente e cifranan pa 2022 no ta diferencia tanto, pero IMF ta mira un crecemento mas gradual pa e proximo añanan, y no e salto spectacular cu gobierno ta anticipa otro aña. Grafiek 3 di e Memorie di Presupuesto 2021 (visible aki bao) en berdad ta visualiza un crecemento asina fuerte, cu pa un of otro motibo IMF no ta comparti.

Grafiek 3. Economische Vooruitzichten 2020 – 2023

Memorie van Toelichting pag 5