Segun resumen di Hospital Dr. Horacio Oduber, ayera tabatin en total 45 persona interna pa cuido di Covid-19.
Di esakinan, 17 ta interna den Unidad di Cuido Intensivo ICU, mientras cu 28 ta isola riba piso general di Covid.
Ademas, Departamento di Salubridad Publico DVG a informa cu ayera a registra un total di 38 caso nobo di Covid-19. Di esakinan, 5 no ta residente. Ocho persona a recupera di e malesa. E cantidad di caso activo a keda na 365.
E cantidad total di test realisa na e diferente localidadnan na Aruba, entre otro, laboratorio di hospital, laboratorionan priva y aeropuerto, ayera tabata 585. E tasa di positividad ‘positivity rate’ entre nos residentenan ta 21%.
Cantidad di fayecido no a mira aumento y a keda na 94.
