(NLTimes) – Cuminsando dia 2 di augustus, 2022, mayornan lo ricibi nuebe siman adicional di zwangerschapverlof cu pago parcial durante e prome aña despues di haya nan baby, gobierno a anuncia ayera. E cambio den zwangerschapverlof ta pa duna mayornan mas oportunidad di balansa cuido di nan yiu y nan profesion, segun gobierno a declara.
Actualmente, tur mayor tin derecho na 26 siman di zwangerschapverlof durante e prome ocho aña despues di haya nan yiu. A menos cu a haci un areglo prome cu e dunado di trabao, sinembargo, esaki ta en gran parti sin pago. E acuerdo nobo lo duna mayornan nuebe siman cu 50 porciento di nan salario diario original, cu e pago maximo na 111.70 euro pa dia.
Mester tuma e nuebe siman den e prome aña, lagando e otro 17 siman pa uso durante e proximo añanan.
“Haya un yiu ta un evento bunita y special, pero tambe tin hopi cambio. Door di paga pa zwangerschapverlof durante e prome aña, nos ta reduci e obstaculonan pa hopi famia pa nan por en realidad saca bentaha di zwangerschapverlof”, minister di Asunto Social y Labor, Wouter Koolmees, a bisa.
Mama cu duna luz por tuma entre 16 y 20 siman di zwangerschapverlof cu pago completo, ademas di e nuebe siman aproba awo. Na 2019, Parlamento a reforsa zwangerschapverlof cu pago completo pa e partner di e mama cu a duna luz na cinco dia, un aumento for di dos. Esey a keda expandi na 2020 na cinco siman adicional cu 70 porciento di nan salario completo.
Agencia di Seguro di Empleado, UWV, lo ta responsabel pa e nuebe siman di zwangerschapverlof na 50 porciento di e salario inicial. Actualmente, e salario maximo pa dia ta 223.40 euro, loke ta nifica e reembolso maximo pa dia ta 111.70 euro.
