(nasdaq.com/reuters.com) – Refineria di Aruba (RdA) tin plan pa firma un aucerdo cu Eagle LNG Partners, basa na Houston, pa construi un terminal di importacion di gas natural riba e tereno di refineria proximo luna, segun director di RdA a bisa Reuters.

E terminal lo permiti Eagle suministra compania di electricidad di nos isla cu gas natural, reemplasando fuel oil halto den sulfur como e fuel principal di e pais pa generacion, segun Reynold Arends a bisa den un entrevista recien na sede di RdA na San Nicolas. Maske gobierno di Aruba a informa tocante firmamento di un acuerdo pa LNG cu Quantum, director di RdA Reynold Arends a splica: “Cu e firmamento di e acuerdo aki “Exclusivity Agreement” Eagle LNG por cuminsa cu e proyecto mientras cu ta den proceso pa yega na un “definitive contract”. E ta hopi importante pa Aruba yega eynan, pasobra esey lo duna Aruba e oportunidad pa baha su costo di fuel y baha prijs di electricidad.”

Aruba tabata buscando partnernan nobo pa e refineria di 235mil bpd, cual ta principalmente para desde 2012. Aña pasa, refinador Mericano, Citgo Petroleum Corp PDVSAC.UL – un unidad di compania petrolero estatal Venezolano, Petroleos de Venezuela PDVSA.UL – a entrega control di e sitio back na gobierno, despues di bandona un plan ambicioso di $1.1 biyon pa renobacion.

RdA tambe ta den combersacion cu un consorcio lidera pa Quanten Llc, basa na San Jose, tocante un plan di $3.5 biyon pa restart e refineria mes. Hefe ehecutivo di Quanten, Jeff Meyers, a bisa den un entrevista recien hunto cu Arends cu e grupo lo ta cla pa cuminsa demolicion na augustus, y haci e refineria completamente operacional dentro di tres aña.

Quanten ta specialisa den servicionan electrico pa proyectonan grandi. Meyers a bisa cu e consorcio tambe ta inclui KBR Inc KBR.N, proveedor di servicio di energia McDermott International Ltd MCDIF.PK, y compania di tecnologia Cisco Systems Inc CSCO.O. E tres compania aki no a responde na solicitud pa comentario.

Gas importa pa Eagle tambe por duna energia na e refineria, Arends a bisa, y Eagle ta considerando usa Aruba como un hub pa exporta LNG na otro regionnan den Caribe.

Vocero di Eagle, Linda Berndt, a bisa cu e compania ‘ta continua trahando cu RdA y ta aprecia e sosten pa completa e proyecto’.