(LaPatilla) – E cifra real di e cantidad di caso di Covid-19 na Venezuela por ta hopi mas halto cu loke e cifranan oficial di regmen Chavista ta divulga. Instituto paMetrica y Evaluacion di Salud (Institute for Health Metrics and Evaluation) diWashington University, a afirma cu den nan modelo di calculacion di infeccion di coronavirus cu ta indica cu e promedio di caso di Covid-19 na Venezuela por ta casi nuebe biaha mas halto cu loke ta admiti oficialmente.
Di acuerdo cu e informe, e calculacion maximo ta di 12 biaha mas, es decir 14.000 caso diario contra 1.118 registra oficialmente. E crisis di coronavirus na Venezuela a multiplica debi na e lamentable estado di e centronan di salud, cualnan a yega na nivelnan critico a causa di e pesimo maneho di e regimen di Nicolas Maduro durante varios aña. E collapse tabata visible.
A pesar di e salarionan abao y emaltrato continuo di banda di autoridadnan, trahadornan di salud a cumpli cu nan vocacion pa logra salba mayoria di e victimanan, pero despues di mas di un aña den e pandemia e esfuerzo a costa hopi bida, en particular entre e personal medico y di apoyo. Te na april e cifra di personal medico cu a fayece di Covid-19 a yega na 485 persona.
Nicolas Maduro ta insisti cu e total di morto na e pais te awor ta 1.870 persona, sin embargo e ONG Medicos Unidos de Venezuela a resaltacue cifranan oficial no ta refleha e realidad di morto causa pa e virus. Siman pasa diarazon tabatin un marcha di protesta na Caracas di personal medico pa exigi entrada di vacuna na e pais, despues cu Maduro no a cumpli cu su promesanan di vacuna Ruso.
