A busca un argumento fofo pa a tira gobierno di Aruba abao. Segun informacion e asunto di Howell di Por lo tabata tin mas cu 3 luna caba andando. Diripiente ora Ministerio Publico a trece e noticia den publicidad cu a pone beslag riba cuenta di partido POR gobierno a cay.

Si gobierno mester a cai anto esaki mester sosode den 2020 caminda cu supuestamente lo tabata tin mas cu un minister casonan di fraude. Di con no ta bisa cu un siman prome cu 30 di maart 2021 a firma e acuerdo di implementacion di e siguiente landspakket?

Un cos cu pueblo no mester cerra su wowonan pe ta e landspakket cu a drenta na vigor. Fuera di a corta den AZV awor pueblo mester contribui pa su remedinan tambe. Nos ta den un crisis y nos tin un gobierno cu ta stima pueblo di Aruba asina tanto cu a dicidi di sacrifica su pueblo pa baha gastonan den salubridad den un tempo di necesidad. Den un pandemia caminda parse cu e salud di e pueblo Arubano no ta uno importante. Si pueblo su salud tabata importante lo no a baha gasto di AZV mucho menos di regala Citgo 250miyon di dollar y mester a fia mas 1biyon florin di Hulanda. Un compania cu na 2019 tabata tin un bon ganashi cu por a paga 250miyon di dollar,cu alta e cifra correcto segun informacion cu mi a ricibi,sin ningun problema.

Aki ta director di RdA y mester a page 2.6 miyon pa e bai. Si tin iregularidad cu a sosode den RdA mester a entrega un keho y no regala placa di pueblo pa hasi malo. Ta kibra contract cu directornan di AZV, Ultilities y Elmar y ta paganan pa nan bai. Asina ta malversa placa di pueblo y kier papia di integridad. Pa hasi malo ta duna bo un golden handshake pa bo bai. Si ta e homber chikito si bo kier laga cere.

Ya cu e bala a cuminsa lora den e partido berde Ministerio Publico mester cuminsa laga e balalora tambe den e gobierno demisionario paso ey den tambe nombernan a cai pa corrupcion. Ministerio Publico mester keda consecuente pa no trese un desbalance den e resultado di e eleccion di 25 di juni 2021.

Pa Hulanda sigur ta mas facil pa sigui deal cu e partido geel paso bo no ta bai renegocia COHO una bez cu bo a bai di acuerdo caba cu e negosacion y a firma pa entrega autonomia dia 13 di November 2020.Locual cu ta keda ta e implementacion di e landspakketnan riba tereno di husticia, salubridad, educacion y finanzas.

Esaki ta e opportunidad pa pueblo trese un cambio den e resultado den e eleccion di dia 25 di juni 2021. Laga e votamento di pueblo di Curacao ta un ehempel pa trese un cambio den resultado di eleccion. Pa trese un cambio y un aire fresco ariba Aruba Partido Curpa ta e alternative den e proximo eleccion.