Erupcion di vulkaan na St. Vincent, La Soufriere a bira un hecho, despues di dianan di saca huma y temblor. E explosion a tuma luga Diabierna mainta, despues cu a logra evacua miles di habitante di e area noord-oost di e isla. Segun observadornan, e columna di shinishi tabata di seis kilometer halto y esaki a bay direccion oost den oceano Atlantico. No tabatin fatalidad.
E Centro Sismico di Universidad di West Indies ta anticipa cu e erupcion di Diabierna tabata apenas e comienzo, pero cu ta imposibel pa predici si nan lo ta mas intenso of menos impactante cu e prome. Segun Meteo Aruba, e erupcion no tin efecto pa Aruba.
