E manager y un trahado di Glitz Casino a wordo atraca diamars atardi. Informacion oficial cu vocero policial di polis Liliana Rasmijn a confirma cu pa mas o menos 3:30 di tardi melding a drenta via Alarm Centrale unda a yama Centrale Post y informa nan cu un rato prome e manager di Glitsz Casino lo mester a wordo atraca .
Segun nos fuente Noticia Cla ta , cu na yegada di patruya di polis e manager a declara cu e conhuntamente cu su trahado den su auto saliendo for di La Cabana direccion pa banco , hibando un suma di mas o menos 65.000 dollar pa deposita . E manager a sigui bisa cu nan a wordo para pa un Yaris color blanco y dos homber habla Spaño a baha cu arma di candela den man pidiendo nan pa e placa .
E atracadonan no tawatin nan cara tapa. Un tawata tin un pechi bisti y cu camisa hoki hoki di color y jeans bisti. E manager ta bisa cu nan a bay cu e suma cu mester a wordo deposita, y a bay direccion zuid y subi e caminda di Sasakiweg y desaparece .
Atraco team a yega na e sitio di biaha na unda a cuminsa cu e investigacion . Tambe personal di departamento di ayudo na victima pa asina asisti e victimanan . E atracadonan ta keto bay fugitivo. Ken cu por a wak algo porfabor yama e tiplijn di polis cu ta 11141.
