Riba peticion di KPC (Cuerpo Policial Corsou) Defensa ta duna, cuminsando ayera, extra sosten den mantencion di medidanan en conexion cu COVID. Den esaki entre otro e tin di haber cu e medidanan di plachi di dia (numbernan di auto) y e toke de keda. Durante lunanan cu a pasa, ya Defensa tabata duna sosten Militar caba, pero esaki ta keda amplia awor, como consecuencia di e situacion serio di COVID na Corsou.
Autoridadnan di Corsou a pidi Defensa pa extra sosten. Te cu awe e sosten tabata ser duna pa Milisianonan di Milisia Corsou. For di ayera tin mas Milisiano riba caya pa duna sosten den e mantencion di tur e medidanan di COVID. Ademas Defensa awor ta incorpora Militarnan di ‘Compagnie in de West’. Nan ta procedente di e Brigada Aereo Real.
Sosten na KPC ta un forma di sosten Militar. Sosten na autoridadnan civil ta un di e tareanan constitucional di Ministerio di Defensa.
