Den un comunicado Departamento di Salud Publico (DVG) a informa cu memey di e pandemia actual, e vacuna contra COVID-19 ta vital no solamente pa salba bidanan, pero tambe pa preveni e efectonan di e virus riba salud a largo plazo.
Mientras e campaña di vacunacion ta avansa na e isla Aruba, e protocolnan di prevencion manera laba man bon y frecuentemente, mantene distancia na tur momento di 1.5M y bisti tapa boca ta keda hermentnan hopi importante pa sigui disminui contagio cu e virus.
Comunidad mester tene den consideracion e hecho cu no ta pasobra ta vacunando, kiermen cu mester ignora e medidanan pa sigui cuida e salud y proteha esunnan cu ainda no a logra wordo vacuna. Asina mes nan a señala cu tanten cu 75-85% di comunidad no a wordo vacuna, tin cu sigui cuida y reduci e transmision.
Nan a trece dilanti cu na momento cu e mayoria di comunidad ta vacuna, nan lo por flexibilisa y por ta hasta elimina algun di e medidanan.
Expertonan den salud ta recomenda pa sigui haci uso di tapa boca pa asina evita cu un otro hende lo bira malo.
