(Msn.com/Insider.com) – Aften ta heridanan chikito y doloroso paden di e boca cu ta aparece manera yaga cora cu un centro blanco of geel, cu ta dificulta ora di come of papia. Generalmente nan ta dividi den dos categoria, na sa :

Ulcera bocal simpel : cu ta chikito, yaganan cu por dura aproximadamente un siman. Por experimenta 3 pa 4 biaha pa aña.

Ulcera bocal compleho : cu ta yaganan mas grandi y doloroso cu por dura te cu un luna. Generalmente nan ta pasa cu menos frecuencia.

E ta desconoci e causa di aftem, pero generalmente, nan ta bin door di reaccionnan alergico, deficiencianan di vitamina y enfermedadnan inflamatorio, ta bisa Erich P. Voigt, MD, director di otorrinolaringologia general na NYU Langone Health. Tambe por ta un hereditario debi na factornan hereditarionan of ambientinal comparti.

E sintomanan di aften

Tin hopi ulcera bocal reconocibel, cu ta inclui :

Yaganan blanco of geel cu color cora

Yaganan cu ta bay desde menos di un milimeter na un inch na diameter

Dificultad pa come, bebe of papia debi na e dolor.

Gruponan di 10 te cu 100 yaganan chikito

Diariamente ta confundi cu otro enfermedadnan di boca, manera :

Herpes labial, cu ta yaganan yena cu likido banda di e boca of paden

Candidiasis oral, cu ta aparece manera heridanan di color blanco cremoso den e boca.

Leucoplasia, cu ta mustra manera manchanan blanco of grisacae cu generalmente ta forma den e encianan of couchi.

Liqeun plano oral, un afeccion cronico cu ta aparece manera yaganan of parchenan hincha di color blanco of cora.

Cancer oral, cu tin hopi sintomanan manera manchanan blanco y cora y yaganan den e boca cu no ta cicatriza.

Na diferencia cu herpes labia, e ulceranan bocal no ta contagioso ni ta causa door di infeccionnan viral pa herpes, ni ta emiti un sensacion di ardor prome cu e sintomanan ta cuminsa aparece. Sin embargo, e causa exacto di e aften ta sigui sin ta claro, pero hopi factornan ta bin na wega.

Causanan di e aftennan

Sensibilidad cu alimentonan cu pica of acido, manera fruta

Reaccion alergico na un alimento en particular.

Tene aparatonan dental of dentadura falso.

Deficiencia di vitamina B-12, hero, zinc of acido folico.

Helicobacter Pylori, un bacteria cu por contrae di alimentonan of awa contamina

Stress emocional

Cambionan hormonal

Segun Voigt, si ta sigui tene aften, e ta posibel cu lo por tin un enfermedad inflamatorio subcayente cu ta causando e heridanan, manera colitis ulcera, enfermedad celiaco of enfermedad di Crohn.

Si tin yaganan cu ta extende hasta e labionan, ta dura mas di dos siman y/o ta acompaña di dolor incontrolabel y keintura halto, mester consulta na bo medico di atencion primario of dentista.

Tratamento nan pa aften :

Spulamento di boca: Un spulamento cu e steroid dexamethasone por reduci inflamacion y dolor den boca.

Medicamento nan Tropical cu benzocaine por duna un alivio di dolor (Anbesol) of duna un capa protectivo (Zilactin-B Canker Sore Gel), Voigt ta bisa.

Suplemento nan nutricional : Bo prome persona encarga (dokter) lo por PERSCRIBI un par di suplemento nan si bo tin falta di vitamina.

Therapie di ijs: Bo por pone un tiki ijs riba e aften door di pone ijs blok of ijs chips den bo boca y lag’e smelt over di nan.

Medicamento nan oral: Ora aften no responde na otro tratamento nan, sucralfate (Carafate) ta usa come un ultimo solucion.

Tratamento nan di cas ta hopi comun, manera spula slow y awa of un solucion di hidrogeno peroxide, pero nan no ta yuda mucho cu e problema, Voigt ta bisa.

Kico ta preveni aften ?

Purba di no come cuminda nan cu ta irita e bo boca : Purba di no come cos nan pica, hopi acido, crispy cu lo por irita bo boca. no come nada cu lo por causa alergia nan tampoco.

Mantene un bon higiena oral: Corda pa skeiro bo djente dos biaha pa dia y floss tur dia pa mantene boca limpi .si bo ta sensitivo na sodium lauryl sulfaat, un ingrediente comun den toothpaste of mouthwash , bo por preveni aften door di no usa producto nan oral cu ta conteni e ingrediente nan ey, Voigt ta bisa.

Tene un dieta balancia : aften por wordo causa dor di diferencia nan nutricional tambe ,dus come saludabel y den balans yena cu berdura y proteina.

Reduci bo stress: Pa reduci stress, purba di drumi 7 pa 9 ora pa anochi, haci ehercicio, y puntra hende nan cu por apoya bo.

Bisti lip balm: Lip balm cu proteccion SPF tambe ta yuda hopi, Voigt ta bisa pasobra hopi solo por causa aften den cierto instancia nan.

Pa hiba manera informacion privilegia

E aften ta heridanan chikito y doloroso den e boca cu ta aparece di color blanco of geel rondona cu marcanan cora. E ta desconoci e causa exacto, pero stress emocional, e deficiencia nutricional, e sensibilidad na e alimentonan y e cambionan hormonal por crea ulceranan bocal.

Pa alivia e dolor, por aplica tratamentonan topico of tuma medicamentonan oral. E ta posibel minimisa e frecuencia di e aftennan si ta mantene na un bon higiena bocal, ta hiba un dieta ekilibra y ta evita e alimentonan cu pica of cu acidonan cu por irita den e boca.

Si tin ulceranan bocal repetidamente, mester consulta bo proveedor di atencion primario of dentista, ya cu e por ta un enfermedad inflamatorio subcayente cu ta causando e heridanan.