(DutchNews.nl) – Investigadornan na Leiden a lansa un proyecto pa mira ki efecto e tapabocanan descarta, rubber glove y otro desperdicio di pandemia tin riba bida salvahe.
Biologonan Auke-Florian Hiemstra di Naturalis Biodiversity Center y Liselotte Rabonnet di Universidad di Leiden a basa nan hallazgonan te awo riba reportenan noticiero y post di fotografonan riba rednan social, observadornan di parha, y veterinarionan. Pero awo nan a pidi publico pa join door di provee evidencia di desperdicio di coronavirus dañando medio ambiente via e website covidlitter.com.
E proyecto a cuminsa na momento cu investigadornan di desperdicio a haya un perch den e canalnan na Leiden cu a keda atrapa den un glove di latex. Esaki ta e prome victima conoci na Hulanda di desperdicio di coronavirus.
Te awo, e team a colecta 28 reporte di animalnan cu sea a muri pa desperdicio PPE of tabata usando esaki di algun manera. Esaki ta inclui un pushi cu a muri door di come un glove na Merca; un octopus (pulpo) scondi den un tapaboca na Francia; y parhanan usando tapaboca pa traha nan neishi.
“E pandemia no a caba ainda, y e cantidad di PPE (ekipo di proteccion personal) usa lo aumenta y continua presentando un menasa pa bida salvahe hopi despues cu e acceso na vacuna bira disponibel”, e investigadonan a bisa den un articulo. “Ademas di esaki, e obhetonan descarta lo degrada den micro- y nanoplastic y keda den medio ambiente pa centenares di aña. Pues pa tin miho comprension di e alcance di e impacto di tapaboca y glove, tambe ta importante pa monitor desperdicio di PPE.”
E prome victima conoci di desperdicio di coronavirus tabata un American robin (Turdus migratorius) cu a keda atrapa den un tapaboca na Chilliwack, Canada, dia 10 di april 2020.
