Raiza Gomez un ciudadano di Venezuela cu ta hopi preocupa pa un ser keri cu ta keda deteni na Guarda Nos Costa. Sinembargo Raiza lo mester a bay den e vuelo humanitario ultimo , pero manera nos tur sa esaki no a bira posibel pa diferente motibonan.

Den un conferencia di prensa Raiza ta duna di conoce cu e tin un famia cera na Guarda nos Costa y ta duna di conoce cu e tin 2 luna y 15 dia cera unda cu ta cu ta kita su libertad, Segun Raiza su delito ta di ta un inmigrante sin documento regla na e isla cu ta pone cu e ta bira un ilegal.

A pidi un asilo politico na aeropuerto y tambe na DIMAS , pero e la keda nenga. Actualmente Raiza su ser keri ta cera na Guarda nos Costa sperando pa tin un vuelo pa sali pa Venezuela. Sra. Raiza Gomez ta duna di conoce cu su familiar cera den Guarda nos Costa a cuminsa bira malo, e ta altera , tin insomio, no ta drumi bon , no ta come bon, ta drumi riba vloer riba corchon y cu e no ta sinti bon.

Tin casonan di coronavirus pero nada no ta keda haci y esey tin sra Raiza hopi preocupa. Pesey mes a scoge pa yama Guarda nos Costa y haci un apelacion na e director pa laga su famia sali bao di garantia debi cu ya caba nan a tuma e decision cu nan lo sali for di e isla.

Sra Raiza ta duna di conoce cu e ta compronde completamente cu na Aruba tur persona cu tin e intencion di bin biba aki nan mester tin su papelnan na ordo y debi cu nan no tin esaki y tampoco no tin un oportunidad pa nan por logra esaki mas, nan ta regresa venezuela y no tin ningun problema pa cu esaki.

Tambe Sra Raiza ta compronde cu Aruba tin su leynan y mester respeta esaki sinembargo nan no a bin Aruba pa haci nada malo pero debi di nan situacion na Venezuela nan a dicidi di bin Aruba y busca un miho futuro.

Sinembargo ta haci un apelacion na hefe di Guarda nos Costa pa mira e situacion di su famia mas di cerca, debi pa duna un hende malo solamente parasetamol no ta yuda cu nada. Despues di dos luna sin por wak nan famia den e ultimo siman tampoco nan no ta duna oportunidad na ningun famia trece un yiuce of algo di come pa nan debi nan ta trata nan hopi malo na Guarda nos Costa, Sra.Raiza a expresa. Pesey mes ta haci un apelacion pa laga su famia sali bao garantia pa asina por sali di Aruba den un modo trankil.