Dutch caretaker Prime Minister Mark Rutte speaks with the media following exit polls in the general election in The Hague, Netherlands, March 17, 2021. Dutch voters pushed Rutte towards a fourth term in office in a general election Wednesday, bolstering his conservative party's position as the biggest in parliament and boosting a key ally into second place, an exit poll suggested. (Piroschka van de Wouw/Pool via AP)

(AP) — Prome minister encarga di Hulanda, Mark Rutte, a bisa ayera cu infeccion di coronavirus ta aumentando demasiado lihe pa permiti relahacion di e lockdown pisa na e pais, y na luga di esey, a extende e lockdown cu tres siman mas.

Den un cambio chikito prome cu orario di berano cuminsando den weekend, gobierno a hala atras e orario di toque de queda cu un ora, na 10pm cuminsando dia 31 di maart proximo.

Dos siman atras, prome cu e eleccion general cu su partido a gana. Rutte a ofrece speransa cu un ‘tipping point’ tabata acercando na momento cu vacuna logra controla e virus. Sinembargo, desde e tempo ey e cantidad di infeccion y hospitalisacion a aumenta na Hulanda y rond di Europa.

“Esey ta e realidad preocupante di awendia y ta p’esey na e momento aki nos no por elimina ningun di e medidanan”, Rutte a bisa. “Mi ta compronde cu esaki ta decepcionante. Mi ta compronde e falta di pasenshi, y nos ta mira e disturbio den sociedad, pero na mes momento, localmente, mi ta mira e esfuersonan enorme di e alcaldenan pa mantene paz. Ta importante pa nos tur y ta un responsabilidad pa nos tur. Nos mester haci esaki hunto”, el a agrega.

Como parti di e lockdown, sitionan di reunion publico manera bar y restaurant ta cera desde mita di october na Hulanda.

Rutte tambe a extende un conseho di biahe negativo te cu mita di mei, urgiendo hende pa no biaha fuera di e pais.

E decision Hulandes ta yega riba e mesun dia cu pais bisiña Alemania tambe a extende su lockdown cu un luna y a agrega restriccionnan nobo.

Anteriormente ayera, instituto di salubridad publico Hulandes, RIVM a reporta un aumento di 16% den cantidad di test positivo pa coronavirus durante ultimo siman compara cu e siman anterior, y aumento den e cantidad di morto y hospitalisacion pa Covid-19.

Infeccionnan entre hende hoben a aumenta drasticamente, cu un aumento di 29% entre mucha di edad 13 pa 17 aña, y 23% entre muchanan bao di 12 aña di edad. E aumento a yega varios siman despues cu gobierno a permiti reapertura maprcial di scolnan.

Mas di 16,300 persona ta confirma di a muri di Covid-19 na Hulanda.