(NTN24) – Dialuna ultimo Ministerio di Salud di Colombia a informa 5.128 caso nobo di coronavirus y 128 fayecido, cu lo cual e pais ta acumula 2.342.278 contagio y 62.148 morto, mientras cu autoridadnan ta teme cu pandemia lo sigui crece caminda na su di tres pik.
E situacion ta particularmente preocupante na e departamentonan di e region Caribe, na unda e contagio a bolbe subi asina como tambe e ocupacion di Unidad di Cuido Intensivo (UCI).
E mayor parti di e contagio nobo a wordo confirma na departamento Caribeño di Atlantico, cu 1.299 di e cual 840 ta coresponde pa Barranquilla su capital.
Pa via di e situacion aki, alcalde di Barranquilla, Jaime Pumarejo, a decreta toque de queda desde 11or di anochi te 5or di mainta entre 25 y 29 di maart, y 31 di maart te cu 5 di april.
Durante e mesun dianan aki y mesun orario e alcalde a prohibi e benta y consumo di alcohol den e ciudad.
Despues di Atlantico, e contagionan a sigui na Antioquia (1.243), Bogotá (638), Valle del Cauca (463), Córdoba (233), Magdalena (232), Cundinamarca (170) y Caldas (137).
Autoridadnan di departamento di Cordoba, na unda dialuna ultimo a registra 233 contagio y 11 morto, a declara alerta cora hospitalario pa e aumento di ocupacion di UCI, cu ya caba tin 69.44% , loke ta nifica cu di 180 cama habilita pa atende e pandemia, 125 ta ocupa.
Bogota ta continua como e principal foco di e enfermedad, cu 676.671 caso acumula, despues Antioquia (360.067), Valle del Cauca (203.959), Atlántico (136.115), Cundinamarca (109.376) y Santander (93.525).
Na Colombia e casonan activo tan a 36.881 caso di Covid-19 kiermen cu 1.57% y otro 2.235.343 a wordo notifica como recupera, loke ta coresponde ma 95.43%.
Dialuna ultimo a procesa 28.160 muestra, 21.449 di PCR y 6.711 di antigeno, pa un total di 12.,31 miyon di prueba cu a wordo practica.
Den un rapport e Ministerio di Salud a detaya cu di e 120 fayecido, 104 ta coresponde pa dianan anterior.
