Durante un conferencia di Gobierno di Aruba y Crisis Team ayera mainta, Bon Dia Aruba a trece dilanti e pregunta cuanto persona na Aruba a haya e malesa di Covid-19 pa di dos biaha, mirando cu ya caba e pandemia a cumpli un aña.
Pa cu esaki, Sharline Koolman di Departamento di Salud Publico a duna di conoce pa comunidad cu 5 persona a haya e malesa di Covid-19 dos biaha y esey a tuma luga aña pasa, tempo cu a cuminsa registra e casonan, y fin di aña – segun el a afirma – tabatin algun persona cu a hay’e un biaha mas.
E diferencia tabata trata cu si na comienso di e virus nan a hay’e un tiki suave, e di dos biaha nan a sinti e virus un poco mas pisa. “No ta tur dos biaha nan a hay’e of mesun fuerte of mesun zwak”, Koolman a finalisa.
