Algemene Rekenkamer a constata un declaracion incorecto di e Colegio di Supervision Financiero pa Aruba (CAft) y ta desea di coregi esaki. Ta trata aki di e publicacion tocante e falta di duna cuenta, door di entre otro Hoge Colleges, pa e aña 2019.
Recientemente a keda publica den e medianan local un declaracion publico di e presidente di CAft, Sr. Gradus, caminda e ta declara cu Algemene Rekenkamer no a entrega su relato anual di aña 2019. E informacion aki ta incorecto, segun ARA ta expresa den e siguiente comunicado di prensa.
Mirando e tarea legal y rol di Algemene Rekenkamer como controlador pa Parlamento y di Pais Aruba, Algemene Rekenkamer tur aña ta laga un controlador externo, evalua e administracion y relato financiero di su organisacion. E relato anual ta disponi di un declaracion di evaluacion, manera por tuma nota den e relato anual di 2019.
Dia 10 september 2020, a ofrece na Parlamento, Gobierno y tur otro interesadonan, incluso CAft e relato anual di 2019. Ademas ariba e mesun fecha, e relato anual di 2019 a publik’e y e ta disponibel ariba e website di Algemene Rekenkamer; www.rekenkamer.aw.
