Haya un cuminda cu ta duna beneficionan mayor pa salud, ta accesibel, y mas importante, ta dushi, por ta algo hopi dificil. Un dietista ta recomenda den e articulo aki un cuminda cu ta cumpli cu tur rekisito: E humilde strawberry.

Mientras tin otro cuminda cu ta yen di nutricion, no hopi ta asina versatil y acepta manera e berry cora yen di juice, stima pa hopi. Y si un cuminda no ta smaak bon, pakico com’e, toch?

Sistema immuun saludabel
 E dianan aki, hende ta enfoca riba sostene nan salud immuun mas cu nunca, danki na e pandemia global cu a laga mundo paralisa. Ya cu un cup di strawberry tin tur e vitamina C cu mester den un dia, cuminsa bo mainta cu strawberry por yuda bo cuminsa bo dia cu un boost di inmunidad.

Salud digestivo
 E fibra natural haya den strawberry por duna sosten na salud di bo barica – cu ta vincula tanto na bo sistema immuun como bo salud digestivo. Ya cu 70% di nos sistema immuun ta den nos barica, keda al tanto cu bo consumo di fibra por yuda tene bo sistema immuun saludabel. Un cup di strawberry ta contene casi 3 gram di fibra – mas di 10% e rekisito diario di mayoria di hende.

Bon cu diabetes
 Maske fruta ta contene sucu natural, no tin mester di stop di come un fruta stima ora di maneha diabetes, segun Asociacion Mericano di Diabetes. Y entre e escogencianan di fruta, strawberry ta un opcion excelente pa esnan cu mester cuida nan nivel di sucu, pa varios motibo.

Strawberry ta contene un componente natural yama anthocyanin – cu por reduci factornan di riesgo pa diabetes tipo 2, incluyendo inflamacion, stress oxidativo, y resistencia na insulina.

Ademas, come strawberry por yuda reduci nivel di sucu den sanger y inflamacion, specialmente ora come nan dentro di dos ora cu a come un cuminda, segun datonan publica den Nutrients.

Ora haya gana di come algo dushi pero mester cuida bo sucu, por satisface cu strawberry, ya cu un porcion tin menos sucu cu un appel, y mita di caloria di un bacoba, mientras ta yen di antioxidante, vitamina y fibra.

Sosten pa salud di cerebro
 Segun resultadonan di un estudio publica den Annals of Neurology, come strawberry mas cu dos biaha pa siman ta parce di retrasa embehecimento cognitivo cu hasta 2.5 aña. Y danki na factornan manera vitamina C, anthocuanidin y flanovoide total, come strawberry por reduci e riesgo di malesa di Alzheimer y e demencia relaciona.