(NLTimes) – Hunto cu ocho otro pais di Union Europeo, Hulanda a pidi Comision Europeo pa aumenta medidanan pa elimina autonan di combustibel fossiel for di cayanan di Europa, pa reduci emision di CO2.
“Si ta bay logra e meta di neutralidad di CO2 pa 2050, e produccion di vehiculo cu motor di combustion mester stop pa 2030 ora bo tene cuenta cu e bida di un auto”, secretario di estado saliente, Stientje van Veldhoven, a bisa, segun ANP.
Den un carta pa Comision Europeo, e paisnan a bisa cu sector di transporte ta responsabel pa un cuarta parti di tur emision di gasnan di invernadero den Union Europeo y un di e causanan di contaminacion mas grandi den ciudadnan. “E reduccion di emision di trafico ta clave pasobra trafico riba caminda ta conta pa casi 70 porciento di e emision total di gasnan di invernadero den transporte; na cual un contribuidor grandi ta autonan comercial liviano.”
Austria, Belgica, Dinamarca, Grecia, Irlanda, Lithuania, Luxembourg y Malta tambe a firma e carta. Pa 2030, EU kier reduci emision di gasnan di invernadero cu 55 porciento compara cu 1990. E meta final ta pa logra neutralidad climatico pa aña 2050.
