Segun resumen diario di Departamento di Salubridad Publico (DVG), ayera a registra dos morto mas pa Covid-19 na Aruba.
Cu esaki, e cantidad di fayecido relaciona cu Covid-19 a aumenta na 79. Condolencia na famia di e fayecidonan.
Ademas, DVG a informa cu ayera 17 persona a recupera, mientras a registra un total id 18 caso nobo di Covid-19, di cual uno no ta residente. Cu esaki, e cantidad di casonan activo a keda na 271.
E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 584 test. ‘Postivity rate’ entre nos residentenan ta 21%.
Di su banda, Hospital Dr. Horacio Oduber ta informa cu tin un total di 29 persona interna, di cual 9 ta den Unidad di Cuido Intensivo y 20 riba unidad general di covid.
