Lou Ottens, e inventor Hulandes di cassette tape, e escogencia di medio pa miyones di mix tape, a fayece, segun Philips, e compania unda tambe el a yuda desaroya e Compact Disc (CD).
Ottens a fayece diasabra ultimo cu 94 aña di edad, Philips a confirma.
Un ingeniero structural cu a train na e prestigioso Universidad Tecnico di Delft, el a join Philips na 1952 y tabata cabesante di departamento di desaroyo di producto pa e compania Hulandes na momento cu el a cuminsa traha riba un alternativa pa grabador di tape existente, cu nan caha grandi di tape.
E meta tabata simpel. Traha tape y nan player hopi mas portatil y facil pa usa.
“Durante e desaroyo di e cassette tape, na inicio di añanan 1960, e tabatin un bloki di palo traha cu tabata fit net net den saco di su bachi”, segun Olga Coolen, director di e Philips Museum na Eindhoven. “Esaki ta con grandi e prome Compact Casette mester a ta, haciendo esaki hopi mas util cu e grabadornan di tape diki cu tabata usa e tempo aya.”
E producto final crea na 1962 despues a converti den un hit mundial, cu mas di 100 biyon cassette bendi, hopi di nan na fanaticonan di musica cu tabata graba nan propio compliacionnan directamente for di radio. Su popular a disminui cu desaroyo di e CD, un invencion cu Ottens tambe a yuda crea como supervisor di un team di desaroyo, Philips a bisa.
Exito di e cassette tape a bin di su simplicidad, Ottens a bisa den un entrevista publica pa e Philips Museum. “E tabata vanguardista pasobra e tabata infalible”, el a bisa, agregando cu e player y grabadornan tambe por a traha cu bateria, haciendo nan hopi ‘user-friendly’ y eventualmente portatil. “Tur hende por a pone musica den nan saco”, Ottens a bisa.
E block di palo prototipo nunca a yega e museo di e compania. Ottens a us’e pa eleva su jack na momento di cambia un flat tire, y a lag’e band’i caminda, Coolen a bisa. “Lou tabata stima tecnologia, ora e tabata papia di esey su wowonan tabata cuminsa briya”, Coolen a bisa.
