Inauguracion oficial di area A cu ta bira entrada principal di Horacio Oduber Hospitaal (HOH)
minister di Salubridad, Dangui Oduber a bisa cu e proyecto aki finalmente ta yegando den su ultimo fase.
No falta mucho mas pa e proyecto aki lo wordo entrega den su totalidad. Locual ta falta ta e sala di operacion. Tambe e tower bieu pa e wordo renoba completamente. Mientras cu e tower nobo ya caba ta operacional.
E mandatario a bisa cu si tur cos ta cana conforme e planning pa otro aña e hospital lo wordo entrega totalmente cla. E ta satisfecho cu e comunicacion entre e partnernan envolvi den e proyecto aki tin un mehoracion den e momento aki; y tambe den tur e trabao cu ta wordo haci.
E inauguracion oficial di area A cu ta bira entrada principal di HOH ta e penultimo fase di e proyecto, ya cu e ultimo fase lo ta otro aña cu entrega total di e proyecto aki.
Nos ta hopi contento cu por fin nos por bisa cu aworaki si no falta mucho mas pa nos tin un hospital completamente nobo,” el a bisa. Minister Oduber a agrega cu denter di poco Aruba lo conta cu un hospital completamente nobo. E por bisa cu e hospital aki ta di nos tur ya cu “nos como pueblo ta paga pa e hospital aki.”
