Awe 8 di maart ta un dia prestigioso pa e comunidad femenino unda Bon Dia Aruba a tene contacto cu diferente hende muhe pa conta nos un tiki di nan experiencianan y desafionan cu a enfrenta den e poderoso pasantia aki. Ki nan nos a acerca Miledy Jerez cual ta conta nos un tiki di su infancia, obstaculonan y confrontacionnan manera un ser femenino.
Miledy tabata un persona cu desde su hubentud semper a gusta studia, e la caba su MBO y cu su 20 aña di edad a bay den Universidad cual e la tuma e decision di studia periodismo. Su inspiracion of dicon, periodismo ta pasobra e tabata gusta loke por yama periodismo investigativo, e la descarta cu semper el a gusta entrevista hendenan, ta riba caya y hasta bin na logra crea su propio documentarionan.
E mayornan di Miledy den e temponan aya, tabata hopi estricto y tabata mira periodismo manera algo peligroso. Miledy su ruman muhe grandi tabata paga su estudionan pe, cual tambe no por a sigui haci esaki mas pe. Esaki a causa cu e no por a sigui su soño y e mester a tuma un otro direccion. Den e tempo ey Miledy tabata tin 10 ruman cual 7 ta muhe y 3 ta homber.
E tabata sinti cu a nan tabata tin e dominio riba di e rumannan homber. Miledy a conta nos un storia unda su rumannan homber tabata pidi’e pa consehonan ora di a invita un persona sali y e la bisa cu “Sin nos, nan tabata manera galiña sin cabes”.
Siguiendo na e direccion cu Miledy mester a tuma despues di su confrontacion cu su mayornan. E la conta con e la traha manera un stagiair pa 7 aña na un scol basico. En cuanto esaki e tabata tin 27 aña di edad. E tabata duna les di Ciencias Naturales ( KDN ). Miledy a keda ofreci pa engrandece den su posicion pero, no a acepta e oferta a ki pasobra e no tabata algo cu e tabata kier, pero si e la opta pa continua manera un secretaria pero a haci esaki pa un periodo di solamente 2 aña.
Miledy a bisa si, cu e semper kier a sigui studia periodismo pero pa es motibo di loke a pasa cu su mayornan e la sinti cu “su hala nan a wordo corta”. E la continua di haci diferente cursonan manera cashier y a haci un tercer curso di Ingles. E la dura varios aña trahando manera cashier te ora e la casa y a bin biba na Aruba.
E la casa cu un dominicano y hunto a dicidi di biba na Aruba y crea un famia. Unda e la dedica na su 2 yiu muhenan y awo e la crea su bida ki nan na Aruba. Miledy tin 20 aña na Aruba y 27 aña di casa. Despues di 5 aña un amiga cu e la conoce na Aruba a puntr’e si e lo ta interesa pa traha y awo e ta trahando na Marting Trading.
Pero prome cu esey miledy a conta nos su prome encuentro cu machismo unda su casa no tabata kier pa e traha pasobra e la bis’e “mi no a trece bo ki nan pa traha”. Miledy a keda sorprendi na e tipo di actitud cu su casa a bin dilanti cune, pero esey no a stop e nunca di a traha pa su bienestar.
Su casa a bis’e cu eno lo hib’e trabou y miledy a bis’e cu e no ta worry pa cana bay tan ten e yega unda e kier. E la conta nos con e dianan ey tabata un poco amargo entre nan dos, pero ora su casa a mira cu e tabata determina, e la sigui apoy’e despues.
Miledy ta expresa cu e ta sinti contento na unda e ta, e la wordo ofreci otro tipo di posicionnan pero pa motibo di transport e no por a acepta e oferta. Esaki no tabata algo pa demotiva nunca pasobra e semper a lanta cu e spirito di luchado y a logra tene su propio transporte den futuro, aunke e tabata un tiki laat na e momento cu e posicion ofreci tabata disponibel, esaki nunca a stop e di a bin semper cu un sonrisa na trabou.
E ta sigui conta con e por tene un balans entre su bida personal y trabou pasobra e ta traha solamente 6 ora pa siman y ta off riba weekends. Riba un diasabra 10 or di mainta bolo haya miledys ta laba paña, cu su Budlight banda di dje, atendiendo su casa y cushinando pa su 2 yiu muhenan.
Miledy ta manda hopi amor y felicitacion na tur hende muhe incluyendo na tur e abuelitanan e ancestronan cu tabata e prome nan di a lucha pa loke awo nos por tin derecho riba dje.
