Segun resumen diario di Departamento di Salubridad Publico DVG pa loke ta trata e cifranan di e pandemia di Covid-19 na Aruba, a registra un morto mas ayera, pa loke e cantidad total a yega na 76.
Ademas, DVG a informa cu ayera tabatin 71 persona cu a recupera. Tambe a registra un total di 45 caso nobo di Covid-19, di cual 5 no ta residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 791 test. ‘Postivity rate’ entre nos residentenan ta 24%.
Casonan activo ayera a keda na 182.
Hospital ta informa cu tin un total di 26 persona interna di cual 10 ta den Unidad di Cuido Intensivo y 16 riba unidad general di Covid. Edad promedio di esnan ingresa pa extra cuido ta 63 aña.
