Practica un bon higiena bocal ta significa algo mas cu ta preveni caries y skeiro bo djentenan 2 biaha pa dia. Tambe e ta trata di protege bo esmalte ( capa protector di e djentenan ) , cuida bo encianan y reduci e acumulacion di bacterianan. Ki nan nos ta mustra bo 7 mal habitonan cu lo por daña bo djentenan y con pa solucionnan.

1.Come of kauw ijs

Kauw ijs por haci cu bo djentenan por kibra y sker

E daño ta algo inreparabel y, dependiendo di e gravedad di e grieta, por rekeri un empaste di composite, un reyeno, un conducto radicular of perde e djente por completo, ta bisa Michaela Tozzi, DMD, dentista cu su propio practica den Henderson, Nevada.

“Mi mester a saca un djente sano di un patent pasobra e tabata kauw ijs y e la parti su djente den mita” ta bisa Tozzi.

Hopi hende ta kauw ijs door di e sensacion di rill, Tozzi ta bisa, pero e por ta un habito dañino, den luga di kauw ijs, purba :

Bebe cu un straw pa resisti e tentacion di kauw ijs

Come snacks nan cu ta crunchy, manera appel, pida nan chikito di wortel of popcorn

Kauw of purba di busca bals sin sucu pa reemplasa e fihacion oral di ijs masticabel

2.Skeiro cu demasiado forsa

Skeiro e djentenan ta un di e formanan mas importante di mantene e boca sano, pero skeiro e djentenan di manera demasiado agresivo por daña e djentenan y e encianan, ta bisa Tozzi.

E skeiromento fuerte por desgasta e capa protector di e djentenan yama esmalte, loke por provoca un aumento di e sensibilidad y e dolor.

Skeiro e djentenan cu demasiado forsa tambe por haci cu e encianan por retrocede of cu por aleha di e djentenan. Esaki ta expone e raisnan di e djentenan, loke tambe por causa sensibilidad y aumenta e riesgo di infeccion.

3.Morde bo djentenan

Hopi personanan ta morde nan djentenan mientras ta drumi y no ta ripara di loke nan ta haciendo, ta bisa Alice Boghosian, DDS, dentista cu sede den Park Ridge, Illinois, y portaboz di la Asociacion Dental Estadounidense.

Morde bo djentenan por desgasta nan y aumenta e riesgo di caries y fracturanan. E signonan cu bo lo posibel por ta mordiendo bo djente durante anochi ta inclui :

Lanta cu dolor den e mandibula of dolor di cabes

Bo ta nota cu bo sinti incomfortabel den e mandibula durante e dia

Daño den e interior di bo couchinan, loke por indica cu bo ta mordiendo mientras ta drumi

Pa disminui e daño, uza un protector nocturno mientras ta drumi, ta bisa Boghosian. Esaki ta un dispositivo cu ta wordo coloca riba e djentenan den un banda di e mandibula y proporciona un barera protector entre e djentenan. Papia cu bo dentista pa asina por haci un test of chekeo.

Pa stop di morde riba e djentenan, Boghosian ta recomenda :

Practica tecniconan di relahacion manera e meditacion of tuma un baño cayente prome cu bay drumi

Aplica un paña cayente riba e cara pa los e madibulanan y evita cu e musculonan ta preta nan mes

Duna e mandibulanan un massage pa relaha e musculonan.

4.Morde of “come” huñanan

Morde bo huñanan por sker y fractura bo djentenan, ta bisa Tozzi. Esaki ta e fracturanan por wordo repara cu union compuesto, cu ta implica coloca resina den e fracturanan pa repara nan. Sin embargo, si e habito ta continua, e union compuesto por kibra y sker tambe.

E manicuranan por yuda e reduci e necesidad di morde bo huñanan, ta bisa Tozzi. Kauw bals of mint sin sucu tambe por yuda cu e fihacion of determinacion oral di e necesidad di kauw algo.

5.Bebe sin straw

Bebe algun bebidanan sin un straw por daña e djentenan, ta bisa Boghosian. E bebidanan cu sucu aden como e refresconan, limonada of e bebidanan deportivo manera gaytorade cu sucu agrega aden por ta specialmente dañino pa e djentenan, ta bisa Boghosian. E sucu den e bebidanan ta alimenta e bacterianan responsabelnan di e caries.

Otro bebidanan cu por daña e djentenan ta inclui :

Bebidanan hopi carbonante of acido manera juicenan di apelsina of awa cu lamunchi. E nivelnan halto di acido por kita y disminui e esmalte di e djentenan, loke por aumenta e riesgo di caries.

E biña y e koffie por mancha bo djentenan, loke ta laganan mustra geel of bruin.

Uza un straw por disminui e daño causa door di e consumo di e bebidanan aki pasobra e ta redirigi e likido na e parti posterior di e boca y ta aleha e djentenan for di otro, ta bisa Tozzi.

6.Uza bo djentenan pa habri cosnan

Uza e djentenan pa habri cosnan manera un saco di chips, metal of kita e tapa di un pen tambe por daña bo djentenan hasta kibra of sker nan.

“Bo djentenan ta destina pa kauw cuminda pa bo tene un digestion adecua” ta bisa Boghosian. “E djentenan no ta heramientanan”.

7.Huma

Huma no solamente ta perhudicial pa e salud den general, si no tambe pa e djentenan, ta bisa Boghosian. E personanan cu ta huma tin mas probabilidadnan di desaroya placa bacteriano, cu ta causa e enfermedad di e encianan. Huma tambe por reduci e fluho sanguineo na e encianan, loke ta impedi e cicatrizacion den e boca.

Loke ta bisa e investigacion : Un revision di estudionan di 2019 cu a examina e vinculo entre e consumo di tabaco y cancer oral a haya cu e tabaco ta asocia cu e desaroyo di carcinoma oral di celulanan escamoso,cu ta representa mas di e 90% di e cancernan oral.

Pa hiba manera informacion privilegia

Mantene bo djentenan sano ta vital pa su salud en general. Algun habitonan manera kauw ijs, morde e huñanan of morde e djentenan por causa fracturanan dental y aumenta e riesgo di enfermedad di e encianan. Papia cu bo dentista tocante con pa caba cu e mal habitonan cu por daña su djentenan.