Debe estatal di Corsou ta aumenta na 100%

E debe nacional di Pais Corsou lo alcansa e limite di 100 porciento di GDP e aña aki. Esey ta loke Fondo Monetario Internacional, IMF, ta spera.

Segun IMF, e debe nacional ta aumentando pa motibo di e forma con gobierno di Corsou ta purbando di absorbe e shocknan di pandemia di coronavirus. Ta fia placa di Hulanda pa esaki.

Y esey ta aumenta e debe nacional, segun e organisacion financiero internacional ta enfatisa.

Pero tambe pa motibo di e solucion usa pa resolve e bancarota di e Giro Bank, e debe di Corsou lo aumenta di 55 porciento na 2019, na mas di 100 porciento na 2021.