Un anteproyecto di ley cu ta busca reduci embaraso y preveni abuso di mucha menor di edad na Panama a wordo presenta na Parlamento di e pais, cu ta mantene un di e cifranan mas halto di e region pa loke ta trata embaraso hubenil.
E proposicion di e ley ta plantia pa combati e tres problema aki mediante educacion, y ta surgi den mey di scandal di abuso sexual, maltrato fisico y psicologico pa muchanan menor den refugio, institucionnan cu ta supervisa pa Estado a traves di Secretaria Nacional di Mucha, Adolescente y Famia (Senniaf).
“E tres problema aki no ta di awor sino di hopi tempo pasa. E caso cu e Senniaf a publica. E proyecto ta busca resolve mediante educacion, cu ta e clave den aspecto aki”, e diputado independiente y esun cu a propone e anteproyecto, Gabriel Silva a splica.
Un rapport di 700 blachi elabora pa un sub-comision parlamentario a denuncia na comienso di februari ultimo cu muchanan menor di edad ta sufri di abuso sexual y maltrato den refugio, hopi di nan cu algun grado di discapacidad, den casonan cu ta for di aña 2015 y cu segun e testimonionan di e victimanan di violacion ta involucra personanan religioso y cuidadonan asina como tambe abortonan.
E anteproyecto di ley di e diputado Silva ta plantia minimalisa e embaraso den adolescente, malesanan di transmision sexual y preveni abuso pa menor di edad na Panama a traves di un plan educativo cu lo implementa na scolnan publico y priva, refugio y centronan pa hoben di sistema penitenciario.
“Na Panama tin un promedio di 29 mucha menor di edad cu ta keda embarasa tur dia, cu su consecuencianan economico, educativo y di salud. Tambe tin dos problema mas cu ta purba di resolve, infeccion di transmision sexual y abuso pa mucha, cu ta aumentando” Silva a agrega.
Panama ta lastra desde varios decada cifranan di embaraso adolescente cu ta bati alarma internacional, hunto cu Guatemala y Nicaragua nan ta lider di e cifranan mas halto den region, segun Organisacion Panamericano di Salud (OPS).
