Fundacion Rancho a tuma nota cu algun medio di comunicacion local ta pone den nan relato cu Stichting Rancho a forma parti di un reunion tocante e desaroyo na Waf’i Rancho yama pa un ex-politico na Aruba. Mester informa comunidad cu Fundacion Rancho no a forma parti di e reunion aki. Sr. Clifford Rosa como persona a atende e reunion aki na peticion di e piscadornan di Rancho. Niun momento Fundacion Rancho a wordo invita oficial pa un reunion.
Desaroyo rond di waf ta sigui y nos como fundacion te dia di awe no a ricibi niun informacion di parti di gobierno. Como fundacion tur siman nos ta ricibi peticion di comunidad y piscadonan pa sa con nan ta para den e situacion aki.
Tanten cu nos no haya reaccion di parti di gobierno. Nos lo keda para tras di e piscadonan di Waf’i Rancho. Cu ta perdiendo nan acceso na Waf’i Rancho. Fundacion Rancho no ta contra desaroyo, pero desaroyo mester tuma cuenta cu comunidad y herencia cultural di Aruba. Pronto nos lo duna mas informacion riba nos website www.stichtingrancho.org
