Parlamentario Endy Croes ta masha desapunta con AVP kendenan a masacra Aruba financieramente awe ainda hungando un politica barata. AVP a vota contra e ley di LTU. Asina claramente AVP a vota contra e ayudo di Hulanda pa 21mil mama y tata cu ta cobra loonsubsidie, 4000 mama y tata cu ta cobra FASE, 1800 compania cu ta ricibi 4000 florin como sosten cada kwartaal y 33000 hende cu ta ricibiendo un cuminda tur dia.
Cambionan den LTU:
Parlamento a trata e Landsverordening Toelating en Uitzending (LTU) AB 1993 no GT 33 unda a trece algun cambionan den e ley actual. Kico ta e cambio mas esencial? Por ehempel momento militarnan Hulandes bin Aruba pa traha y defende nos pais, nan familia resnan mester pasa door di un proceso largo na DIMAS pa por regla papelnan di casa y yiunan. Hulanda basta tempo tabata reclama esaki. Ta trata di alrededor 38 persona ongeveer kendenan ta bin Aruba y ta permanece pa 3 aña. E Pandemia a trece mas cambio cune unda Hulanda a brinda Aruba ayudo y sosten financiero pero alaves kier mira e LTU aki regla pa e Hulandesnan di gobierno Hulandes cu ta bin traha na Aruba. Texto di e ley ta como lo siguiente : “Personen die in dienst zijn van het land dan wel bij een van de andere landen van het Koninkrijk, of in dienst zijn van een internationale organisatie, of een door het Land dan wel de andere landen van het Koninkrijk gesubsidieerde instelling, en in Aruba zijn gestationeerd.”
Esaki partialmente ta parti di algun cambio pa acomoda familiarnan di Hulandesnan trahando den gobierno Hulandes cu ta bin traha na Aruba.
Den LAFT desde 2015 AVP a aproba algo similar:
Frapante tabata ta cu durante e reunion publico AVP a “sapatia” haci manera mucha malcria oponiendo contra e lei aki. Pero ora nos a busca poco mas leew nos por a tuma nota cu den e ley di LAFT di Augustus 2015 cual propio AVP mes a aproba tin un articula caba similar. Artikel 7 lid 1 di LAFT: “Voor zover van toepassing, zijn leden van het College, de secretaris en medewerkers van het College, alsmede hun echtgenoten of geregistreerde partners en minderjarige kinderen voor zover zij met hen een gemeenschappelijke huishouding voeren, van rechtswege toegelaten tot Aruba.” Pues no por compronde e politikeria barata ni e actitud infantiel cu AVP a hunga durante e reunion publico di diamars den Parlamento. Den Rijkswet Gemeenschappelijke Hof van Justitie na art 38 esaki ta hancra igual. Kico ta e meta final di AVP ta desconosi. Bo a desgracia e luga aki financieramente, Bo a laga bo x ministernan manera un “roofbende” abuisa den RDA y cu tereno. awe cu otro kier dreche Bo ni kier coopera. Parlamentario Endy Croes a termina cu un dicho “ The way to get started is to quit talking and begin doing”. Walt Disney.
