Segun resumen diario di Hospital Dr. Horacio Oduber di hospitalisacion relaciona cu e pandemia di Covid-19 na Aruba, ayera tabatin 17 persona ricibiendo tratamento pa e malesa en cuestion.
Di esakinan, 5 persona ta den Unidad di Cuido Intensivo mientras cu 12 ta isola riba unidad general di covid. Ademas, hospital a informa cu e edad promedio di esnan ingresa pa cuido adicional ta 63 aña.
Di su banda, Departamento di Salubridad Publico DVG a informa cu ayera 32 persona a recupera. Tambe a registra den total 27 caso nobo di Covid-19, di cual 10 no ta residente. E cifra di no-residente positivo ta encera esnan no-residente cu ta test na aeropuerto na nan yegada y na laboratorionan prome cu bandona Aruba. Ayera a realisa un total di 822 test na e diferente localidadnan na Aruba, entre otro laboratorio di hospital, laboratorionan priva y aeropuerto ta 822 test. ‘Postivity rate’ entre nos residentenan ta 20%.
Casonan activo pa ayera ta 280, cantidad di fayecido relaciona cu Covid-19 ta 71.
