Segun resumen diario di Departamento di Salubridad Publico DVG, ayera Aruba a registra otro morto pa Covid-19, cu loke e cantidad total di fayecido ta aumenta na 70.
Ademas, DVG a informa cu ayera tabatin 45 persona cu a recupera di e virus. Tambe a registra 40 caso nobo di Covid-19 na Aruba, di cual solamente 6 no ta residente. E cifra di no-residente positivo ta ensera esnan no-residente cu ta test na aeropuerto na nan yegada y na laboratorionan prome cu nan bandona Aruba. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 895 test. ‘Postivity rate’ entre nos residentenan ta 16%.
Di su banda, Hospital Dr. Horacio Oduber ta informa cu tin un total di 11 persona interna, di cual 4 ta den Unidad di Cuido Intensivo y 7 riba unidad general di covid. Edad promedio di esnan ingresa pa extra cuido ta 63 aña
