Tres ora a dura e tratamento di e caso cu sindicato SIWA a entabla contra WEB relaciona cu e cortamento di un forma unilateral di un 12.6% di nan condicion laboral.
Un batayon di abogado a bay representa nan respectivo clientenan, tres abogado a bay representa SIWA, y cuater na WEB, y na final hues a bisa cu lo duna su sentencia dia 10 di maart proximo.
Na final di e caso presidente di SIWA, Eric Henriquez, a declara cu e tabata “super satisfecho” con nan abogadonan a trece nan caso dilanti. “Aworaki tur cos ta keda den man di hues,” el a bisa.
Segun e sindicalista e decision di bin cu e caso aki ta uno simpel: “Si bo laga e cos aki pasa bay sin haci nada cune, e cos aki ta bira un free for all.”
