Boneiro mester di un haf di carga nobo? E pregunta aki Colegio Ehecutivo y ministerio ta haci for di 2016 y awor nan ke bay investiga esaki mas aleu.

For di basta aña caba economia di Boneiro ta creciendo. Consecuencia ta cu cada bes mester importa mas mercancia. Pa esaki infrastructura riba hopi tereno no ta suficiente. Esaki ta conta sigur tambe pa infrastructura di haf. Ya pa algun aña caba Colegio Ehecutivo hunto cu ministerio di Infrastructura y Maneho di Awa ta trahando riba mehoracion di esaki. Por ehempel na aña 2018 a renoba Waf Nello Craane (waf di zuid) na Playa completamente y tambe e Waf di Meimei cu ta mas chikito nan a haci adecuado pa por descarga e barconan di Don Andres.  Actualmente nan ta extende Waf Nello Craane pa por laga barco crucero  mara na un manera save y pa por laga e pasaheronan aborda y desembarca sin problema.

Infrastructura di haf duradero pa futuro

Pa por dispone di un infrastructura di haf cu ta duradero pa futuro y cu ta crece cu desaroyonan tin mester di mas. Un combinacion di nabegacion crucero y atendemento cu carga no ta optimal, pa motibo cu cada tipo di carga mester di otro facilidad. Por ehempel pa descarga barco di container tin mester di un kraan di haf cu no por instala riba Waf Nello Craane manera e ta actualmente. Tambe e trafico di carga cu ta bay den direccion di waf of cu ta bandona waf y cu mas y mas ta aumentando,  ta hañ’é den perta cu e sobra trafico den e parti mas druk di Playa. Separacion di e fluhonan di trafico aki y mehoracion di e atendemento cu mercancia ta un di e metanan di Colegio Ehecutivo y ministerio di Infrastructura y Maneho di Awa. Un haf di carga nobo lo por ta e solucion.

Prijs mas abou pa consumido

Un haf di carga ta haci posibel cu directamente por ricibi barco di container for di Europa, Suramerica y Merca. Di e manera aki no tin mester di hiba containernan Corsou prome, loke ta haci cu gasto di transporte di mercancia pa Boneiro por baha. ‘Pa motibo cu barconan di container por yega Boneiro directamente, prijs pa consumido por baha y esaki ta di gran importancia pa nos poblacion’, segun diputado Thielman di Desaroyo Economico.

Posibel ubicacion

Un ubicacion adecua pa un posibel haf di carga nobo ta WEB na Hato. Na aña 2017 caba Colegio Ehecutivo a indica esaki como ubicacion di preferencia pa un haf di carga nobo. E dos argumentonan mas importante pa esaki ta: un clima di ola trankil pa motibo cu e ta situa den un curva di nos isla y proteha pa Klein Bonaire y na e ubicacion aki ya caba tin actividad industrial establece, manera e instalacion di awa di bebe di WEB i tankinan di almasenahe di Curoil. Pa e haf mester ahusta e plan di destinacion.

Investigacion pa loke ta trata factibilidad financiero y economico

Hunto cu ministerio di Infrastructura y Maneho di Awa Colegio Ehecutivo a duna encargo pa investiga e factibilidad financiero y economico di un haf nobo. E di dos paso lo ta pa investiga di ki manera conhuntamente por financia e haf nobo. Entre otro lo traha un Reportahe di Efecto riba Medio Ambiente (Milieu Effect Rapportage – MER).

Dialogo cu poblacion

Pa loke ta trata e Reportahe di Efecto riba Medio Ambiente (MER) e dialogo cu e alrededor, interesadonan y organisacionnan di naturalesa ta ocupa un luga importante. Poblacion y organisacionnan di interes ta haña oportunidad pa expresa nan mes tocante un haf di carga nobo. Gezaghebber Rijna: ‘Na mi opinion e haf nobo ta un paso grandi padilanti pa Boneiro, pero sigur mes importante ta cu e proceso aki ta cana hopi cuidadosamente, cu frankesa y den bon dialogo cu nos poblacion. Nos tin cu papia cu otro tocante e beneficionan y e dificultadnan.’