Corte Comun di e Islanan Aruba, Curaçao, Sint Maarten y islanan BES, a duna nanveredicto den un caso di apelacion di Ministerio Publico, contra e pastor J.I.S. cu na juni 2016 segun e denuncia haci e tempo ey, a comete acto inmoral di indole sexual cu un menor (<16 aña). Den tratamento di e caso dilanti Huez di Promer Instancia a declara e persona inocente, despues di cual Ministerio Publico a hiba e caso pa apelacion na Corte Comun.
E apelacion a keda trata y den su veredicto Corte Comun a haya cu tin suficiente indicacion cu e sucedido efectivamente a tuma lugar, y a condena S. na 80 ora di trabao comunitario. Den caso cu no cumpli cu e castigo, anto e persona lo mester sinta un castigo di 40 dia na prison.
