Parlamentario Endy Croes a tuma nota cu Mike Eman a restart su draaiboek y mei mei den Pandemia kier haci politica barata te hasta stofia algun sindicato pa reuni siman pasa hungando Salbador di e pueblo aki. Sindicatonan cu ta permiti nan mes wordo usa no mester lubida si mucho lihe con Mike Eman a desgracia finanzas di pais Aruba creando e Mega Debe. Lesa rapportnan di Banco Central y rapport Bo Aruba di Algemene Rekenkamer ta splica tur cos. Mientras ta mesun Mike Eman a campaña cu e lo “elimina BBO” y nunca a cumpli. Mike Eman ta e mesun cu a aumenta edad di pensioen na 65. Mike Eman a redobla debe nacional di Aruba di 43%(2009) pa 93% (2017). Mike Eman a redobla interes riba placa presta unda Aruba a paga 232 miyon solamente na interes durante aña 2019. Asina tin un avalancha di pruebanan con Mike Eman a endueda e pais aki.
MNike Eman a destrui Aruba mescos el a haci cu EMCO y ATV:
Ta un secreto publico cu Mike Eman nunca por a maneha un negoshi. Mesun practica cu Mike Eman a usa pa maneha negoshi asina el a maneha pais Aruba. Resultadonan tur ta igual. Mike Eman a presta 2 miyon florin na Interbank cu 0% di interes pa nan negoshi EMCO cual a bati bancarota na 3 ocasion. Nunka pero nunca mas Mike Eman ( EMCO) no a paga ni un solo pago riba e prestamo aki te cu hasta Interbank a bati bancarota y a bende Interbank pa prijs di baca flaco cu FCCA pa asina libranan mes di e debe. Djaca ta keda kens. Mesun practica aki Mike Eman a haci cu ATV y te cu awe por ehempel debe masha hopi placa na huur di e edificio unda ATV tabata situa. Tanto EMCO y ATV a bati bancarota na man di Mike Eman. Mesun sistema Mike Eman a maneha y destrui Aruba momento cu pueblo na dos ocasion a kere den Mike y a brinde e oportunidad. Resultado? Igual na EMCO y ATV pues Mike Eman a manda Aruba tambe bancarota. Track Record aki di Mike Eman ta demosrta cu papia bunita y cana brasa y baba hende no necesariamente ta haci Bo un bon dirigente. Mike Eman den business a fracasa y como x Minister Presidente di pais Aruba tambe tabata un fracaso total. Prohibi pa lubida!
