Durante ultimo luna, a circula varios reporte cu Kim Kardashian y Kanye West nan matrimonio a yega su fin. Ningun partido a solicita divorcio ainda, pero segun E!, West ta birando impaciente. People y E! a reporta cu e pareha no ta papia cu otro.
Un fuente a bisa People cu Kardashian tin ‘un plan di divorcio na luga y lo entrega esaki ora e ta cla’. Pero probablemente e no ta bay entrega ningun documento te fin di transmision di su show Keeping Up with the Kardashians, ya cu e fin di su matrimonio ta aparece prominentemente como un storia. E fuente a bisa: “Su problemanan cu West ta un parti grandi di e ultimo temporada di [e show].” E fuente a agrega cu Kardashian probablemente lo ‘entrega documentonan di divorcio unabes e serie a sali’. E premiere di e temporada ta dia 18 di maart, pues lo ta algun siman prome cu Kardashian haci e divorcio oficial.
Sinembargo, West por no wanta asina largo, segun E!. Un fuente a bisa: “Kanye ta completamente desinteresa den e matrimonio y ta siguiendo cu su bida. E no ta worry kico Kim su prioridadnan ta pa wanta un anuncio di divorcio. E ta bay entrega e documentonan prome cu [Kim] ta cla si esey ta necesario. E kier e divorcio mesun hopi cu Kim.”
Un segundo fuente a bisa E! cu Kardashian y West ta ‘completamente finalisa y no ta papia cu otro mas’. Kardashian ainda ta ‘trahando riba e logistica di anuncia e divorcio’, e fuente a bisa, enfatisando cu separacion di West ta ‘completamente oficial den su mente’.
