Segun resumen di ayera di Departamento di Salubridad Publico (DVG) pa loke ta cifranan di e pandemia di coronavirus, a registra 51 caso nobo di Covid-19, pa loke e cantidad di caso activo a alcansa 366.
Di e 51 caso positivo nobo, 11 no ta residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 783 test. E tasa di positividad (‘postivity rate’) entre nos residentenan ta 10%.
E cantidad di fayecido relaciona cu Covid-19 a keda na 61.
Di su banda, hospital Dr. Horacio Oduber ta informa cu tin den total 18 persona interna den hospital pa Covid-19. Di esakinan, 10 ta den Unidad di Cuido Intensivo (ICU) mientras 8 ta isola riba unidad general di covid. E edad promedio di esnan ingresa na hospital pa cuido adicional ta 64 aña.
