Russel Brand, e comediante Britanico, a casa cu e superstreya di pop Mericano na october di 2010 den un ceremonia tradicional hindu cerca di e santuario di tigernan di Ranthambhore na Rajastan India, despues di tin un relaciona durante poco mas di un aña.

Sin embargo, e union a bin abao na december di 2011, ora cu Russell a anuncia cu e pareha lo divorcia despues di 14 luna di matrimonio.

Aunke su relacion finalmente a fracasa, e comediante di 45 ta insisti cu el a haci lo posibel pa cosnan funciona, y a insisti cu solamente tabatin sentimentonan positivo pa su ex-casa.

E la contesta preguntanan riba TikTok como parti di un serie #LearnOnTikTok LIVEs, un siman di duracion. El a bisa: “Realmente mi a purba den e relacion ey. Mi no tin nada mas cu sentimentonan positivo p’e.”

Katy a revela cu e orarionan laboral conflictivo y cu e no tabata sinti su mes prepara pa tin yiu, ta loke a conduci na e final di e matrimonio.

Katy di 36 aña di edad, a papia anteriormente riba e corto relacion, afirmando cu e problema ta cu e romance tabata “manera un tornado”.

E creador di exito di “Roar” a bisa: “Mi tabata teniendo un gran exito cu mi 23, 24, 25 añanan y despues cu mi a conoce un hende cu tabata interesante y stimulante, e tabata manera un tornado, tur cos tabata pasando di biaha.”

Den un entrevista cu Vogue na 2013, Katy tambe a afirma cu e no tabatin noticia di e actor di “Arthur” desde cu a aclara su plannan di divorcio den un mensahe di texto.

E la solicita: “Ban bisa cu mi no tabata sa nada di dje desde cu e la manda mi e mensahe di texto bisando mi cu e lo divorcia di mi dia 31 di december di 2011.”

Desde e ora ey, e cantante di “Part of me” a inicia un relacion cu actor di ‘Pirates of the Caribbean’, y e pareha comprometi a duna e bon bini na un mucha muhe yama Daisy Dove Bloom den nan bida na augustus 2020.

Nan tabata di bay casa na juli aña pasa na Hapon, pero e boda a wordo posponi varios biaha debi na e pandemia di coronavirus.

Russel a bolbe casa na 2017 cu Laura Gallacher y e pareha tin 2 yiu hunto awo, Mabel di 5 y Peggy di 2 aña.